Deputetja e Partisë Demokratike, Jorida Tabaku, i është drejtuar me një shkresë zyrtare Bersnik Dervishi, Komisioner për të Drejtën e Informimit dhe Mbrojtjen e të Dhënave Personale, dhe një letër ambasadorëve në Shqipëri, duke denoncuar keqpërdorimin e të dhënave personale të qytetarëve shqiptarë.
Sipas Tabakut, këto të dhëna po keqpërdoren nga mazhoranca, për qëllime elektorale, ndërsa deklaron ky veprim është një shkelje serioze e legjislacionit shqiptar për mbrojtjen e të dhënave personale dhe standardeve ndërkombëtare si GDPR.
“Përdorimi i të dhënave personale në një kontekst zgjedhor është një shkelje flagrante që minon besimin në institucione dhe cenon të drejtat themelore të qytetarëve.
Ngjarje të tilla tregojnë mungesën e respektit për standardet demokratike dhe privatësinë e qytetarëve. Ne i bëjmë thirrje institucioneve të drejtësisë dhe partnerëve ndërkombëtarë të ndërmarrin hetime të plota për këtë çështje dhe të sigurojnë që përgjegjësit të mbajnë përgjegjësi,” shprehet Tabaku.
Discussion about this post