Gjatë mbledhjes së Komisionit të Ekonomisë, nënkryetarja e PD, Jorida Tabaku, u shpreh se qeveria përmes paketës fiskale po ua bën jetën e vështirë bujqërve dhe po privilegjon bizneset e oligarkisë.
Deputetja e PD, vuri në dukje se në paketën fiskale përcaktohet ndër të tjera se hiqen përjashtimet për bizneset që importojnë 50 mln lekë duke e vendosur kufirin e përjashtimit në 500 mln lekë.
Tabaku pyeti ministren Ibrahimaj se sa biznese do të përfitonin nga përjashtimet nga importet prej 500 mln lekë, por kjo e fundi refuzoi të përgjigjej me shifra.
“Nuk kemi një shifër për këtë përjashtim,”-tha ministrja.
Nga ana tjetër, Tabaku shprehu shqetësimin se këto ndryshime janë në kurriz të 95% të bizneseve dhe favorizojnë vetëm 5% të bizneseve. Sipas saj, këto ligje bëhen për të ashtuquajturit “investitorë strategjikë” që janë të njëjtët persona që bëjnë ligje me porosi.
Paketa e re fiskale e qeverisë ka hasur në pakënaqësi tek të gjitha dhomat e tregtisë dhe gjithashtu nga shoqata e bujqërve që prej javësh janë në protestë.
Discussion about this post