Deputetja e PD Jorida Tabaku, e ftuar në News 24 nga moderatorja Nisida Tufa komentoi arrestimin e kreut të Partisë së Lirisë Ilir Meta. Tabaku theksoi se presidenti i Partisë së Lirisë duhet që të përballet me drejtësinë. Ajo shtoi se Meta dhe Kryemadhi duhet që të përballen tashmë me drejtësinë, duke shtuar se duhet qëndruar larg “gjyqeve popullore”.
“Ilir Meta dhe Monika Kryemadhi të përballet me drejtësinë, të mos kthehemi në kohën e gjyqeve popullore. Si Meta, ashtu edhe Sali Berisha e deputetët e arrestuar të përballen me drejtësinë.
Ndërsa, për Salianjin do thosha se jemi në një rast më të rëndë, pasi ai u dënua thjesht për një denoncim. Të qënit të Berishës në arrest shtëpie është diçka, që duhet të na japë forcë, për përbashkimin e PD dhe frontit opozitar”, tha Tabaku.
Tabaku ka dhënë detaje në lidhje me manifestimin e grupit parlamentar të PD-së në Parlamentin Europian në Strasburg. Ajo tha se eurodeputetët kishin shqetësime për situatën në vendin tonë dhe se thanë se opozita përpos protestave, duhet që Partia Demokratike të paraqitet në zgjedhje me program dhe ekip.
“PD nuk ka ngërç me ndërkombëtarët. Ne bëmë një fushatë ndërgjegjësimi në Parlamentin Europian. Ishte një akt solidarizimi. Na u tha në PE se është i pari që një grup parlamentar vjen këtu për të ngritur një çështje. U takuam me Kryetarin e Komisionit të Jashtëm në Parlamentin Europian, David McAllister. Ndërgjegjësimi e arriti qëllimin e saj. Opozita bën edhe akte, që nuk perceptohen nga të gjithë njësoj. Shqetësimi i tyre është që opozita duhet të përdorë të gjitha platformat”, tha Tabaku.
gijotina.com/
Discussion about this post