Deputetja e Partisë Demokratike, Jorida Tabaku ndodhet ditën e sotme në Bruksel, për të marrë pjesë në mbledhjen e komisionit të jashtëm të Parlamentit Europian, ku do të diskutohet raporti për Shqipërinë.
Tabaku tha se do të diskutohej për shqetësimet që ka sot Shqipëria dhe prespektivën europiane të vendit.
“Sot, do jem e pranishme në Parlamentin Europian ku pas pak diskutohet në Komisionin e Jashtëm raporti për Shqipërinë. Ku unë do marr pjesë në debat për të diskutuar shqetësimet që ka sot Shqipëria dhe njëkohësisht për të diskutuar për perspektivën europiane të Shqipërisë”-u shpreh Tabaku.
Ajo tha se lufta për demokracinë, zgjedhjet e lira dhe lufta ndaj korrupsionit janë diskutimet më të rëndësishme të aktualitetit në Shqipëri.
“Sot, nuk ka diskutim më të rëndësishëm se sa lufta për demokracinë, për zgjedhje të lira dhe të ndershme, lufta ndaj korrupsionit. Por, më e rëndësishmja duhet të luftojmë për ta kthyer integrimin në një mundësi për shqiptarët duke lëvizur nga cirkuiti i përhershëm që kemi qenë këto 8 vitet e fundit”, shtoi deputetja.
Discussion about this post