Nënkryetarja e Partisë Demokratike, Jorida Tabaku, ka folur sot në Kuvend dhe ka trevuar arsyet pse PD të votojë pro zgjatjes së afateve të vettingut. Tabaku tha se kjo nuk ka ardhur se do PS, por si një kërkesë e ndërkombëtarëve dhe lidhet me integrimin e vendit.
“Jo se thotë PS, jo se bëjnë këto lojërave fjalësh me këtë propagandën. Ka ardhur vetë se është një kërkesë e operacionit ndërkombëtar të monitorimi. Nëse ka reforma që pengojnë procesin e integrimit PD nuk do të bëhet pengesë. Por vullnetin politik nuk e zëvendësojmë dot, i ka qeveria jeto. Sot nuk është lajm votimi i vettingut këtu. Është fatkeqësi që sot kanë kaluar në vetting vetëm ata që lidhen me komunizmin”, tha ajo.
Më tutje, ajo shton se lajmi i mirë sot është ngritja e komisioneve për Reformën Zgjedhore dhe atë Territoriale, që demokratët e kanë marrë në këmbim me votën pro vettingut. “Po të ishte në dorën tonë do të ishte shumë më ndryshe. Për mua sot reforma zgjedhore dhe ajo territoriale është lajm për të gjithë shqiptarët. Kur Edi Rama të mos fusë duart në zgjedhje ne nuk kemi për ti dhënë fund tranzicionit. Fatkeqësisht nuk arrit dot që vullneti i shqiptarëve të kthehej në mandate këtu”, deklaroi Tabaku. Ndërsa theksoi se ky aprovim nuk do të thotë që Partia Demokratike do të ndal luftën për të çjerrë maskën që i ka vënë Rama drejtësisë, duke filluar nga inceneratorët, zgjedhjet e 25 prillit dhe çdo çështje tjetër që prek qytetarët.
Discussion about this post