Nënkryetarja e PD, Jorida Tabaku denoncoi nga foltorja e Kuvendit se edhe pse nga afera e inceneratorëve janë marrë miliona euro, kompanitë janë detyruar të marrin kredi.
Në fjalën e saj, Tabaku tha se kjo ka ndodhur pasi iu është kërkuar të bëjnë investime me paratë e tyre dhe në momentin që janë larguar personat e shpallur në kërkim për aferën, kanë zbrazur llogaritë ekzistuese.
“E dini çfarë ka ndodhur me inceneratorin e Tiranës? E kanë bërë me këta shtesë, askush s’e di sa do të përfitojë Zoto, Gugallja, Mërtiri. Ata s’janë pronarët përfitues. Disa flasin nga frika, sepse disa kanë futur duart e disa jo. Kemi kontrata që sot, kanë deklaruar se kompanitë do i bëjnë vetë punimet e investimin. Ndërkohë që kanë marrë kredi financiare. E dini çfarë kanë lënë në bankë? Kontratën koncesionare. Nuk kanë pasur kapital. Zoti Arapi deklaroi se kanë zbrazur llogaritë bankare, tha se nuk ka gjetur asgjë. Askush nuk e di se ku janë ato. Unë si nënë e zonjë ndjej keqardhje maksimale për punonjësit e përfshirë”, tha Tabaku.
Tabaku deklaroi më tej se askush nuk do i intimidojë në këtë rrugë që kanë nisur, ndërsa shton se kësaj afere korruptive, PD do t’i shkojë deri në fund.
Discussion about this post