Deputetja e Partisë Demokratike, Jorida Tabaku ka ngritur në Parlament shqetësimin për menaxhimin e fondeve të BE në përgjithësi dhe të IPA-s në veçanti.
Në fjalën e saj në Kuvend, Tabaku u shpreh se qeveria ka ndryshuar strukturën e menaxhimit të fondeve. Sipas saj, është shndërruar në një drejtori zyre pranë Kryeministrisë nën drejtimin e ish ministrit Ilir Beqajt. Tabaku theksoi se në 8 vite koordinatori i fondeve IPA është ndryshuar 4 herë dhe kjo sipas saj sjell mos thithjen e fondeve të BE.
“Kam ngritur me shqetësim faktin që qeveria ka ndryshuar strukturat për menaxhimin e fondeve të donatorëve. Ka ndryshuar koordinatorin e IPA nga ish-kryenegoaciatori, në një drejtori zyre të re në kryeministri tek zoti Ilir Beqaj. Nuk dua të merrem me integritetin e tij, duhet t’ia lëmë drejtësisë. Dua të merrem më shumë me strukturën që ka ngritur qeveria shqiptare. Për mua e copëzojnë procesin, duke krijuar më shumë vështirësi. Për herë të parë në këto vite, qeveria shqiptare e ka ndryshuar 4 herë në 8 vite koordinatorin e IPA Kjo ka sjellë problem në përthithjen e IPA-s. Ne nuk mund të lejojmë që fonde të tilla të mos përfitohen. Qeveria shqiptare ka aftësinë që një në dy euro të BE ti marrë ti absorboje dhe të zbatojë projekte. Kjo aftësi kaq e ulët për të përthithur fondet IPA në një situatë kaq të vështirë, kur ne i lutemi BE për rindërtimi, pandemine etj., tregon mosgatishmërinë e qeverisë shqiptare për të ngritur strukturë transparente. Sot ndodhemi në një situatë të vështirë ekonomike”, tha Tabaku.
Discussion about this post