Deputetja e Partisë Demokratike, Jorida Tabaku, ka ngritur shqetësimin për pengesat që po hasin emigrantët shqiptarë në procesin e regjistrimit për të votuar në zgjedhjet parlamentare të 11 majit. Më tej Tabaku ka deklaruar se numri i lartë i refuzimeve nga Komisioni Qendror i Zgjedhjeve (KQZ) tregon se ekziston një ngërç me procesin, duke theksuar se 40 mijë persona nuk do të lejohen të votojnë për pasojë.
“Edhe ata 40 mijë persona që janë refuzuar kanë të drejtën për të votuar. Unë kam parë vetë njerëz duke u regjistruar dhe nuk është një proces i lehtë,” tha ajo, duke shtuar se ka një diskriminim të qartë ndaj diasporës.
Sipas saj, vota e emigrantëve mund të luajë një rol kyç në ndryshimin politik të vendit. “Mbështetja e diasporës besoj se do të ndikojë për rotacionin politik,” u shpreh deputetja demokrate, duke nënvizuar nevojën për një proces zgjedhor gjithëpërfshirës dhe të drejtë.
“Unë kam parë vetë njerëz duke u regjistruar për të votuar dhe nuk është një process i lehtë. Me vjen keq ta them që në këto zgjedhje nuk do votojë cdo shqiptar dhe ka një diskriminim që po ndodh me diasporën që nuk duhet të kishte ndodhur. Mbështetja e diasporës besoj se do të ndikojë për rotacionin politik”, tha ajo
Discussion about this post