Deputetja e Partisë Demokratike Jorida Tabaku ka deklaruar se shpreson që drejtësia e re të mos jetë kopje e asaj të vjetrës. Ndër të tjera, ajo i kërkoi kreut të ri të SPAK Altin Dumani, që të marrë përgjegjësi dhe të hetojë të gjitha dosjet që ka denoncuar.
“Kam kërkuar që drejtësia e re të mos jetë një kopje e drejtësisë së vjetër. Drejtuesi i ri të marrë përgjegjësi për të gjitha dosjet që unë kam denoncuar. Jo me peshqit e vegjël. Jemi mësuar me punonjës që shkojnë përpara drejtësisë. Pres integritet për t’i shkuar të gjitha çështjeve. Lufta ndaj korrupsionit tregohet vetëm me punë. Nëse do kishte ndëshkim në dogana kushdo që vinte pas do të kishte frikë të bënte një akt korruptiv”, tha Tabaku.
Discussion about this post