Jorida Tabaku ka bërë disa akuza të forta sot ndaj kryeministrit Edi Rama në mbledhjen e Këshillit Kombëtar të Integrimit Europian. Sipas saj, Edi Rama po e përdor qëllimisht veton bullgare për të penguar procesin e integrimit në BE.
“Kryeministri Rama po e përdor veton Bullgare si pengesa kryesore për avancimin e procesit të integrimit europian, por në fakt kjo është thjeshtë një retorikë politike, dhe detyrat e qeverisë shqiptare janë tashmë shumë të qarta ku kriteri ndaj luftës ndaj krimit të organizuar është ndër kryesoret. Duhet shtuar që ky është një proces i vazhdueshëm, dhe përgjegjësi për të gjithë ne si anëtarë në KKIE por dhe vetë deputetëve të ushtrojnë të gjithë kontrollin parlamentar.”, tha ajo.
Më tutje ajo u shpreh se është e rëndësishme që në vazhdim mazhoranca dhe qeveria të punojnë për të krijuar një tjetër qasje për të ndihmuar vendin në procesin e integrimit dhe për të përshpejtuar negociatat. “Sipari i disa tryezave raportuese të KKIE, persa i përket 6 parakushte për hapjen e negociatave dhe me mbajtjen e Konferencës së Parë Ndërqeveritare, ka qenë traditë që të kishte debat në parlament, por kjo gjë nuk ka ndodhur, ndaj shpresoj që ky takim të jetë një mundësi e mirë për një qasje të re për rolin mbikëqyrës që duhet të ketë Parlamenti për integrimin Europian”, u shpreh Tabaku.
Discussion about this post