Deputetja demokrate Jorida Tabaku, ka reaguar sot në lidhej me situatën aktuale në vend. Ajo ka ngritur shqetësimin në lidhje me vështirësitë ekonomike me të cilat përballen sot familjet shqiptare. Me anë të një postimi në rrjetin social Facebook, Tabaku ka akuzuar qeverinë se nuk është duke bërë çfarë është nevojshme, por se përpiqet të bëjë çfarë nevojitet vetëm në dobi të oligarkisë.
“Familjet shqiptare janë përballë krizës më të rëndë financiare dhe me gjasë edhe ekonomike të këtyre 20 viteve. Xhepi dhe të ardhurat e shqiptarëve po përballen me një situatë stagflacioniste; Rënie ekonomike dhe rritje të çmimeve, ndërsa rrogat e tyre kanë mbetur në vend-numëro.
Çdo muaj shqiptarët paguajnë më shumë si pasojë e inflacionit dhe paguajnë edhe më shumë si pasojë e taksave. Me gjithë këto kriza që po godasin xhepin e qytetarëve, që po varfërojnë ato përditë e më shumë. Bota është në krizë, ekonomia është në zgrip dhe shqiptarët përballë një situate falimenti ndërsa qeveria vazhdon të mendojë për hallet e saj dhe oligarkisë”, ka shkruar ajo.
Ndërsa më tutje ka theksuar raportin e FMN që publikoi dy ditë më parë për Shqipërinë, ku i kërkonte konkurrencën të drejtë dhe shmangien e abuzimit me fondet për investime.
Discussion about this post