Tabaku “thumbon” PS: Nuk duhet të ndërhyni në emërimin e kreut të SPAK

Deputetja e PD-së, Jorida Tabaku me tone të ashpra ka kërkuar nga qeveria të mos ndërhyjë në emërimin e drejtuesit të ri të SPAK.
Më tej, Tabaku tha se sulmi kibernetik tregoi nivelin e ulët mbrojtës të krijuar nga qeveria.

“Sot PS nuk duhet të ndërhyjë në emërimin e drejtuesit të ri të SPAK-ut. Të lejojë pushtetin gjyqësor të jetë i pavarur.

Ne biem dakord për shumë gjëra, por aq sa ka bërë PD për Kosovën dhe bashkimi i përpjekjeve të PS vitet e fundit nuk i bën keq. Sulmi kibernetik ka treguar që edhe pse një vend anëtar i NATO-s ne jemi kaq të dobët. E mori vesh 14 muaj pasi sulmi kishte nisur.

Bashkohemi për të dënuar sulmin por nuk besoj se ka pasur vend tjetër në NATO, që ka bërë që investimet të shkojnë dëm kot”, tha Tabaku.