Ish-kryenegociatorja e Kosovës në dialogun me Serbinë, Edita Tahiri tha se marrëveshja e arritur së fundmi mes dy vendeve “duhet të shkojë në Gjykatën Kushtetuese”, shkruan Gazeta Express.
Tahiri e tha këtë me rastin e 15-vjetorit të Kushtetutës, duke shkruar në Facebook se ajo në dakordimin e 18 marsit nuk u përmend as në lidhje me Asociacionin e komunave me shumicë serbe.
“Sot Dita e Kushtetutës të shtetit tonë. U shkel nga qeveria, nuk përmendet në marrëveshje me Serbinë, madje as për asociacion dhe vetmenaxhim për pakicën serbe. Marrëveshja duhet te shkoj ne Gjykatën Kushtetuese!”, shkroi Tahiri.
Kosova dhe Serbia më 27 shkurt në Bruksel dhe më 18 mars në Ohër arritën një marrëveshje që diku nga ndërkombëtarët u cilësua edhe “historike” dhe që për bazë e kishte propozimin e Francës dhe Gjermanisë.
Marrëveshja përmban edhe detyrimin që Kosova ta themelojë Asociacionin e komunave me shumicë serbe.
Discussion about this post