Zyrtarët e Filipineve thanë këtë të hënën se numri i të vdekurve nga tajfuni Rai është rritur në 208 dhe 52 persona janë ende të zhdukur. Ky ishte tajfuni më i fortë që goditi Filipinet këtë vit, me fuqinë ekuivalente të një uragani të kategorisë 5. Ai shkaktoi ndërprerje të energjisë dhe komunikimit dhe plagosi të paktën 239 njerëz. Më shumë se 700,000 njerëz janë prekur nga tajfuni, i cili quhet Odette në Filipine, i cili bëri që mbi 370,000 njerëz të evakuohen, tha Këshilli Kombëtar për Reduktimin dhe Menaxhimin e Rrezikut të Fatkeqësive. 80 vdekje të lidhura me stuhinë janë konfirmuar deri më tani në Bohol në Filipinet qendrore, sipas një deklarate nga guvernatori i provincës, Arthur Yap.
“Shumë zona nuk kanë energji, nuk kanë komunikim dhe as ujë,” tha ai .
Presidenti i Filipineve Rodrigo Duterte vizitoi disa pjesë të shkatërrimit të shtunën dhe u zotua të japë 2 miliardë pesos (rreth 40 milionë dollarë) ndihmë. Ndërsa tajfunet ndodhin shpesh në Filipine, ekspertët kanë paralajmëruar se ndryshimi i klimës mund t’i përkeqësojë këto stuhi dhe t’i bëjë ato më të shpeshta. Tajufini që goditi Filipinet, mund të ketë qenë stuhia më e fortë që ka rënë në tokë kudo në botë në vitin 2021.
Discussion about this post