Për analistin Afrim Krasniqi takimet nga kryeministri Edi Rama me diasporën shqiptare, bëhen për të gjetur vota larg atyre që ka të sigurta nga sistemi i patronazhimit.
I ftuar në A2CNN, Krasniqi shtoi më tej se sondazhet kanë treguar se diaspora në Greqi është e prirur të votojë majtas, ndërsa shqiptarët që jetojnë në Britani djathtas.
“Kryeministri po bën testim. Me Shqipërinë e ka mbyllur, nuk mund të marrë më shumë nga sa prodhon sistemi i patronazhimit. Dhe ai po shikon për mundësi të reja dhe ato mundësi janë ku ai ka kapacitet. Sondazhet, studimet rezultojnë se diaspora në Greqi janë të prirur drejt së majtës. Në zgjedhjet e kaluara u bllokua kufiri dhe opozita humbi një mandat. Ndërsa diaspora e re, sidomos ajo e Londrës është e prirur të votojë djathtas”, tha Krasniqi.
Discussion about this post