Kryeministri Edi Rama po e kthen qeverisjen në stilin parti-shtet, duke menjanuar edhe ata pak zyrtare te opozites qe kane mbetur neper bashki.
Ai nis sot turin “Për punët e Shqipërisë” me kryebashkiakët, takimi me të cilët është caktuar në orën 11:00 në Pallatin e Kongreseve.
Një nga çështjet që po diskutohet në mbledhje, e cila po zhvillohet me dyer të mbyllura, lidhet me emergjencat civile në pushtetin vendor dhe përgjigjen më efikase në raste nevoje.
Ndërkohë Rrok Dodaj, kryetari demokrat i bashkisë së Pukës tha se nuk i është lejuar të marrë pjesë në mbledhje.
Ai ka konfirmuar se ka pasur ftesë për të marrë pjesë në takim përmes emailit, por nuk është lejuar të futet në ambientet e Pallatit të Kongreseve për shkak se nuk kishte emrin në listë. Në një sqarim të mëtejshëm, ai tha se është kontaktuar nga PS dhe i kanë shpjeguar se ftesa i është dërguar gabimisht nga sekretarja.
Disa prej kryetarëve demokratë pranuan se kanë marrë ftesë, ndërsa të tjerë thanë se nuk janë ftuar.
Miftar Dauti, kryetar i Bashkisë së Hasit dhe Albert Mëlyshi i Mirditës thanë se nuk kanë marrë ftesë.
Ftesën e konfirmoi edhe Hilë Curri i Fushë-Arrëzit.
PS ka konfirmuar se ftesa u është dërguar vetëm kryebashkiakëve socialistë.
gijotina.com/
Discussion about this post