Gazetari dhe analisti i njohur, Artur Zheji, i ftuar në emisionin “Opinion”, ka komentuar takimin e sotshëm mes të Dërguarin të Posaçëm të SHBA-ve për Ballkanin Perëndimor, Gabriel Escobar me kreun e Partisë Demokratike, Lulzim Basha.
Ai është shprehur se kjo vizitë është një fakt që tregon se SHBA-të janë në linjën e Bashës.
“Do të ketë një ndikim, kush ka vesh dëgjon, kush ka vesh shikon. Në këtë studio u tha se Basha nuk shkonte në SHBA, faktikisht ftesa e Escobarit nuk është ftesë për të shkuar në SHBA, por një fakt që tregon se ne jemi në linjën me Bashën. Ata që janë berishistë me bindje duhet të kenë një krizë sonte, mund ta zgjidhin në favor të Berishës prapë, por duhet ta mendojnë” – tha Zheji.
Discussion about this post