Deputeti demokrat Ervin Salianji tha në emisionin “Opinion” se me takimin e sotëm patëm një çimentim të qëndrimit të grupit parlamentar të PD-së. Salianji tha se nuk ka asnjë shans që Kryeministri Edi Rama të caktojë kreun e Grupit Parlamentar të PD-së.
“Kryetar i grupit është ai që është. Zyrtarisht në Grupin Parlamentar të PD-së janë 38 deputetë dhe që të bëhesh kryetar grupi duhet minimalisht 19 deputetë. Ky ishte takim i parë, do të ketë edhe takime të tjera”, tha Salianji.
Deputeti demokrat përmendi 3 precedentë, që tregojnë se si ka funksionuar deri më sot Kuvendi i Shqipërisë.
“Precedenti i parë ishte kur ne si deputet të PD-së dorëzuam mandatet dhe hynë në Kuvend disa të tjerë që morën mandatet. Kur ne iu drejtuam me shkresë Kuvendit, na u tha se ata janë deputetë të PD-së.
Precedenti i dytë ishte kur mori mandatin z. Myslym Murrizi.
Precedenti i 3-të është kur u depozitua shkresa se Gazment Bardhi ishte Kryetar i Grupit Parlamentar, në një kohë kur statuti i PD-së e ka të përcaktuar se grupi drejtohet nga Nënkryetari dhe jo Sekretari i Përgjithshëm, por Kuvendi njohu shkresën e firmosur nga deputetët”, tha Salianji.
Sipas tij, çdo deputet opozitar duhet të marrë pjesë në takime të tilla për t’u koordinuar, madje mund të thuhet edhe për çështjet që s’janë dakort.
“Rregullorja e Kuvendit e ka të përcaktuar se Kryetari i Grupit Parlamentar të opozitës ka kohën e barabartë me atë të Kryeministrit, pra janë çështje teknike që janë të zgjidhura”, tha Salianji.
Ai u shpreh se procesi u përshpejtua edhe për shkak se patëm një sjellje të Lulzim Bashës, për të cilën mund të them se po i shërben Sali Berishës.
“Nëse ka një njeri që është me sjellje despotike, që është bunkeri i fundit anti-amerikan dhe me sjellje lindore është Lulzim Basha”, tha Salianji.
Blendi Fevziu: A e ndikoi këtë bashkim ardhja e Bashës dhe veprimet e fundit të Bashës?
Ervin Salianji: Nëse do doja që të thosha një gjysmë të vërtetë edhe kjo mund të jetë që për të disatën herë Lulzim Basha i shërben Sali Berishës. Edhe në këtë rast i shërben. Dalja e tij e përshpejtoi procesin. Dalja e tij duke mbivendosur interesat personale plotësisht mbi interesat e vendit dhe mbi interesat e opozitës, duke pasur sjellje për të gjitha ato që diskutuam, dhe unë deri në Mars kam qenë këtu duke mbrojtur disa parime. Kam thënë unë jam kundër pronësimit të partisë. Shihe pak si e pronëson ky partinë. Ngjitet si Luli pas karriges dhe nuk shqitet. Kam thënë që vlerat euroatlantike është që duhet të ketë garë, duhet të ketë parime. Shihe pak si e merr tek ai.
Blendi Fevziu: Basha ju quajti bunker anti-amerikan?
Ervin Salianji: Nëse ka një njeri që është me sjellje despotike dhe me vlerat më të këqija lindore është Lulzim Basha dhe është bunkeri i fundit anti-amerikan dhe i vetmi i akuzuar për rubla ruse.
Discussion about this post