Kreu i Grupit Parlamentar të PS, Taulant Balla, në një dalje për mediat në përfundim të seancës plenare, i pyetur nga gazetarët ka mohuar që të jetë takuar me Lulzim Bashën në Dhjetor të vitit 2022.
Balla tha se ka qëlluar edhe në një ashensor me Sali Berishën, por as atë nuk e ka takuar.
Përgjigjet e tij erdhën pas një videoje të publikuar kur Balla hyn në një pallat disa minuta pasi në të ishte futur Lulzim Basha.
Pyetje: A e keni takuar Bashën në Dhjetor të vitit 2022?
Taulant Balla: (Qesh) Jo nuk e kam takuar.
Pyetje: Atëherë si ka mundësi që në të njëjtin pallat 20 minuta pas tij keni hyrë dhe ju dhe nuk keni bërë përgënjështrim?
Taulant Balla: Unë kam qëlluar në të njëjtin ashensor edhe me Sali Berishën. Tani pyes, i bie që të kem takuar edhe atë? Nuk e kam takuar as atë.
Në të vërtetë, edhe nga video mund të dallohet qartë se nuk bëhet fjalë për kompleksin luksoz Ambasador 3, ku jeton Taulant Balla, por edhe nëna e Bashës.
Ai është një pallat pranë Librit Universitar në Tiranë, shumë larg vendit të pretenduar nga njerëzit e Bashës.
Discussion about this post