Pas takimit me delegacionin e Senatit Amerikan në selinë e Partisë Demokratike, kryedemokrati Lulzim Basha ka zbardhur çështjet e diskutuara. Rikthimi i demokracisë në vend, njohja e Kosovës dhe procesi i integrimit europian ishin çështjet e diskutuara mes dy palëve. Këtë e ka bërë të ditur kryedemokrati Lulzim Basha gjatë një prononcimi për mediat.
Sipas tij, me delegacionin amerikan u diskutuar lidhur me udhëkryqin që ndodhet Shqipëria pas masakrës zgjedhore të 25 prillit dhe rolin e opozitës në Parlament.
Basha gjithashtu tha se përmes SHBA-së, duhet të krijohet një klimë e mirë investimesh në Shqipëri që të përfitojnë qytetarët përmes vendeve të punës apo dhe mundësive të tjera.
“Njëra nga çështjet ishte me demokracinë shqiptare, udhëkryqi që ndodhet aktualisht vendi pas masakrës së 25 prillit, dhe rolin e Partisë Demokratike dhe të opozitës në Parlament, për të rikthyer Shqipërinë në shinat e demokracisë, legjitimitetit dhe sundimit të ligjit. Sigurisht përmes një vendi që është demokratik, ku nuk shkatërrohen zgjedhjet, nuk goditet dhe burgoset i pamunduri, por ndëshkohet politikani i korruptuar, apo bosi i krimit të organizuar, të krijojmë një klimë investimesh ku do të përfitojnë shqiptarët përmes vendeve të fundit.
Çështja tjetër ka të bëjë me rajonin, në veçanti me situatën e provokuar me planin e ringjalljes serbe, përmes proceseve si ai i Novisadit dhe nevojës për të forcuar praninë politike amerikane. Me theks të veçantë për ruajtjen dhe sovranitetin e Kosovës, dhe njohjes reciproke si guri i fundit i stabilitetit të rajonit. Miqtë u interesuan dhe përsa i përket procesit të integrimit europian, të cilin e mbështesin plotësisht, dhe për konfuzionin e krijuar përmes mosperformancës së autokratëve të Ballkanit duke nisur nga ky i Tiranës” – tha Basha.
