Në takimin e tij me Ministrin Çuçi dhe drejtuesit e policisë vendore, Rama ka nënvizuar se kriminaliteti në vend nuk mund të zhduket, ndërsa ka theksuar se edhe SHBA-të përballen çdo ditë me vrasje e tmerre
Edi Rama: Policia e Shtetit duhet të jetë shembulli dhe pasqyra e zbatimit të ligjit. Çfarë do me thënë kjo që 28 mijë kilometra katrorë nuk u kontrolloka në çdo metër, haptas? Unë jam me ju kur vjen fjala për uljen e shifrave të kriminalitetit që kërkon durim dhe bëhet me gradualitet, se po të ishte e mundur që të zhdukej kriminaliteti që të mos kishte më vrasje e tmerre, do ta kishin bërë të tjerë. Nuk e ka bërë njeri. Një nga vendet më të fuqishme të botës, SHBA-t, përballen çdo ditë me tmerre e vrasje. Në këtë pikë jam me ju, jo me komentatorët e analistët që nuk dinë çfarë flasin. Në pikën e kontrollit të veprimtarive që bëhen haptas e zgjasin me orë e ditë e javë, jam kundër kujto ndër ju që e justifikon këtë si një gjë të natyrshme.
