Gjatë një takimi me anëtarët e FRPD-së, ish-kryeministri Sali Berisha, tha se të rinjtë ishin diamanti i kurorës së lëvizjes që shndërroi PD në një parti të vërtetë opozitare. Berisha u shpreh se sëbashku do të zhvillojmë një betejë të një rëndësie jetike për vendin, të ardhmen dhe kombin. Ai gjithashtu tha se nëse qytetari nuk ka liritë e vërteta, pasuritë që ka vendi shndërrohen në mallkim për shoqërinë.
“Nëse PD ka një mision bashkë me forcat e tjera opozitare për shpëtimin e Shqipërisë, në krye të këtij misioni qëndron FRPD dhe të rinjtë opozitarë, që si misionarë të vërtetë do të bëjnë gjithçka për të fituar zemrat e të rinjve dhe qytetarëve shqiptarë, që të bashkohemi në një lëvizje të madhe, që duhet tu rikthejë liritë e vërteta shqiptarëve. Shikoni se çfarë po ndodh me pasuritë publike të shqiptarëve, shikoni skemën e vjedhjes së parave të qytetarëve shqiptarë nga mafia Rama-Veliaj. Një treshe e tyre krijon 24 ndërmarrje me qëllimin e vetëm për të krijuar fatura falso, përmes të cilave vidhen paratë e buxhetit të shtetit” – tha Berisha, duke shtuar se kjo Qeveri në çdo fjalë dhe firmë shënon një vjedhje” -tha Berisha.
Kreu i PD tha se më 7 korrik, fronti i bashkuar për shpëtimin e Shqipërinë, do të zbresë në shesh si opozitë e vërtetë, për të filluar një stinë të re, që do e nxjerrim vendin nga monizmi në rrafshin politik. Ai tha se Edi Rama duke qeverisur me mafien e tij, ju ofron ju vetëm kanabisin dhe paratë e krimit, si shkëmbim për mohimin e votës dhe mohimin e lirive.
“Kjo politikë na solli sot një komb në shkreti, një komb që braktiset nga të rinjtë” – tha Berisha.
Discussion about this post