Kryetari i Partisë Demokratike, Sali Berisha ka zhvilluar një takim me mësues dhe ekspertë të sistemit parauniversitar në vend. Gjatë fjalës së tij, Berisha ka deklaruar se ne po qeverisemi nga një grup hajnash, që përdorin çdo gjë për të vjedhur. Ai gjithashtu ka deklaruar se është tragjike që një mësues apo drejtor shkolle të largohet nga puna, vetëm se kundërshton qeverinë.
“Ne qeverisemi sot nga një grup, më së paku hajnash, të cilët përdorin ndaj qytetarëve, ndaj mësuesve, ndaj mjekëve, inxhinierëve, fermerëve, fëmijëve, studentëve, dy armë, mashtrimin dhe vjedhjen, vjedhjen dhe mashtrimin. Unë dëgjova ju zoti Teferiçi, kur ju referuat Arben Ahmetajt. Është tragjike kur një mësues i respektuar, një drejtor shkolle përballet me një ministër hajdut që u largua nga Shqipëria si hajdut, u rikthye, u vendos dhe iku sërish si hajdut. Apo ju Daniela, përballeni me një mision më i rëndësishmi, misioni i numërimit të votave dhe administrimi i zgjedhjeve, në momentin kur ndodh ai, është më i rëndësishmi për kombin. Asnjë detyrë tjetër në vend nuk është më e rëndësishme se ajo dhe përballeni me një të ashtuquajturi politikan i cili nuk ishte gjë tjetër veçse një anëtar i bandës së rrezikshme të Elbasanit,” tha Berisha.
Discussion about this post