Fatmir Mediu ka dalë në një deklaratë për mediat ku ka dhënë më shumë detaje rreth takimit që patën me kryeparlamentaren Lindita Nikolla. Ata zhvilluan një takim për dosjen e politikanëve, në të cilën flitej se një personazh me profil të lartë politik, i identifikuar me inicialet I.M., rezulton të ketë qenë bashkëpunëtor i ish-Sigurimit të Shtetit. Ndërsa u shprejh se akoma nuk ka emra për këtë temë.
Ai tregoi se Nikolla për t’i vënë në dispozicion dosjen e Autoritetit për Informim mbi Dosjet e Sigurimit te Shtetit, ndërsa u shpreh se e vlerëson këtë hap të kryeparlamentares. Mediu tha se në këtë rast duhet bërë një gjykim i thellë, i drejtë dhe sa më i qartë.”Duhet diskutuar në mënyrë që ata persona kanë qenë pjesëtarë të këtyre strukturave të kaluarën, të mos kenë mundësi të jenë pjesë e nivelit të lartë të politikës. Unë e vlerësojnë punën e autoriteti të dosjeve, ndërsa do kërkoja një gjykim të drejtë dhe qartë. Nuk pamë emra.”, u shpreh ai.
Një ditë më parë, Bordi i Autoritetit për Informim mbi Dosjet e Sigurimit te Shtetit, i kërkoi Kuvendit të Shqipërisë të ndryshoj ligjin mbi dosjet në vend, për shkak se favorizon politikanët e lartë dhe deputetët e Kuvendit të Shqipërisë, të cilët nuk ndëshkohen nga të qenit bashkëpunëtorë të Sigurimit të Shtetit dhe akoma më keq mbrohen me një klauzolë të veçantë, nëse kanë kaluar “filtrin” e atij që quhej Komisioni Mezini dhe me pas Bezhani pas vitit 1997.
Kjo klauzolë, duket se është vendosur qëllimshëm për t’i dhënë legjitimitet, mos kontrollit të hollësishëm të dosjeve dhe mbrojtjen e shumë politikanëve të lartë që kanë qenë pjesë e strukturave bashkëpunuese me Sigurimin e Shtetit. Disa media aludojnë se bëhet fjalë për Ilir Metën pasi inicialet korrespondojnë, megjithëse nuk ka ende asnjë konfirmim. Për zbulimin e Autoritetit për Informim mbi Dosjet e Sigurimit te Shtetit ka reaguar edhe bashkëpunëtori i Ilir Metës, Tedi Blushi duke thënë se kanë merakun e patronazhistëve të komunizmit dhe i kërkoi që të nxjerrin çdo dokument në mënyrë që të jenë sa më transparentë.
Discussion about this post