Kreu i grupit Parlamentar dhe nënkryetari i PD, Enkelejd Alibeaj, ka zhvilluar një takim me të ngarkuarin e Posaçëm të Qeverisë Federale gjermane për Ballkanin Perëndimor, Manuel Sarrazin. Me anë të një postimi në facebook, Alibeaj shprehet se PD është e vendosur për shtyrë përpara procesin e integrimit evropian të Shqipërisë, pavarësisht mungesës së përpjekjeve nga qeveria.
“Pata kënaqësinë të prisja në takim të Ngarkuarin e Posaçëm të Qeverisë Federale për Ballkanin Perëndimor, z. Manuel Sarrazin. I interesuar për çështjen e ecurisë së integrimit europian të Shqipërisë e falënderova dhe e informova atë për qëndrimet e grupit parlamentar të Partisë Demokratike në këtë proces. Vendosmëria dhe mbështetja e PD për të shtyrë përpara këtë proces ne interes të shqiptarëve do të vazhdojë e palëkundur, pavarësisht mungesës së përpjekjeve nga qeveria” – shkruan Alibeaj.
Alibeaj më tej thotë se korrupsionti financiar qeveritar i kulmuar ne skandalin e inceneratorëve, korrupsioni politik në shitblerjen e votës ne zgjedhje, abuzimi qeveritar me të dhënat personale dhe shumë faktorë të tjerë, kanë nevojë për më shumë prova reale të një sistem drejtësie që godet duke zbatuar ligjin.
“Shpërhapja sistemike e korrupsionti financiar qeveritar i kulmuar ne skandalin e inceneratorëve, korrupsioni politik në shitblerjen e votës ne zgjedhje, abuzimi qeveritar me të dhënat personale (patronazhistët), shpronësimi dhe dhunimi i banesave të qytetarëve pa asnjë shpërblim, madje duke dhunuar lliritë dhe të drejtat e tyre nga një shtet policor, kanë nevojë për më shumë prova reale të një sistem drejtësie që godet duke zbatuar ligjin njësoj për të gjithë mbi këto shembuj flagrantë të regjimit autokratik. Projektet qeveritare të “paketës anti-shpifje” apo agjencia e propagandës që ka ngritur qeveria për të eleminuar shtypin e lirë, apo edhe shkeljet flagrante të marrëveshjes së asociim-stabilizimit me rastin e “aeroportit të Vlorës”, tregojnë nevojën urgjente që ka Shqipëria dhe shqiptarët për Europën e vlerave dhe standardeve të demokracisë” – shkruan Alibeaj.
Discussion about this post