Kryeministri Edi Rama nis sot nga Athina turin me diasporën. Takimi pritet të nisë në orën 11:00 dhe do të mbahet në stadiumin ‘Galatsi’, në sallën “Christmas Theater”.
Kreu i qeverisë pritet të mbërrijë në aeroportin ”Eleftheros Venizelos” rreth orës 09:00 dhe për mbarëvajtjen e këtij takimi janë marrë masa të rrepta sigurie me qindra punonjës policie.
Kreu i qeverisë ka publikuar një video në rrjetet sociale pak momente më parë me moton “Krenar për ju”, ndërsa bashkëngjitur është flamuri shqiptar dhe ai grek.
Edi Rama mbërrin në Athinë në orën 9 të mëngjesit i shoqëruar nga anëtarë të qeverisë së tij dhe më pas do të shkojë Galatsi. Fjalimi i tij është planifikuar për në orën 10.30 dhe pritet të kthehet në Tiranë pasdite.
Sipas medias greke Protothema rreth 2000 persona kanë udhëtuar nga Shqipëria për në Greqi, për të ndjekur këtë takim.
Media greke shkruan gjithashtu se vizita e kryeministrit Rama mund të cilësohet një vizitë private pasi nuk do të ketë asnjë kontakt zyrtar, por shton se Rama do të rrethohet nga një eskortë e fortë policie dhe një automjet të blinduar, ndërsa prezenca e policisë në Galat do të jetë e fortë, për të shmangin incidentet.
Kjo vizitë e kryeministrit shqiptar në Greqi vjen në një moment ku marrëdhëniet mes dy vendeve nuk janë në momentin e tyre më të mirë, kjo për shkak të çështjes “Beleri”.
Kujtojmë se Fredi Beleri është nën arrest që prej 12 majit të vitit 2023, dy ditë para zgjedhjeve vendore në Shqipëri. Që nga ajo kohë marrëdheniet Tiranë-Athinë Zyrtare kanë qenë të tensionuara.
Vetë kryeministri grek Mitsotakis, është shprehur në lidhje me takimin e kryeministrit Rama se “Është zgjedhje e panevojshme, por është e drejtë e tij. Ne nuk e ndalojmë”.
Discussion about this post