“Takimi me vdekjen”, kjo është rruga më e rrezikshme në botë

“Rruga e vdekjes”, është një nga rrugët më të rrezikshme në botë dhe një destinacion kryesor turistik në La Paz, Bolivi. Rruga prej 64 kilometrash ishte dikur e vetmja rrugë që lidhte qytetet La Paz dhe Coroico në rajonin e Yungas.

Nga 200 deri në 300 persona humbnin jetën në këtë rrugë çdo vit, prandaj në vitin 1995 u shpall si më e rrezikshmja në botë. Për shkak të këtij emri, ajo fitoi popullaritet të madh në mbarë botën. Sot vizitohet më së shumti nga çiklistët dhe të apasionuarit pas adrenalinës, ku çdo vit kalojnë rreth 25 mijë turistë.

Udhërrëfyesi turistik lokal Diego Del Carpio tregon se përpara se të mbërrijnë në rrugë, ata së pari vizitojnë faltoren e Apacheta-a. “

Pasi marrim lejen, ne ngasim biçikletat tona në rrugë. Ne shohim një peizazh 180 gradë dhe dëshmojmë formimin e akullnajave për shkak të proceseve gjeologjike dhe ndryshimit të motit,” shpjegon Del Carpio.

Zbritja nëpër rrugë zgjat disa orë, duke filluar nga një lartësi prej 4,670 metrash dhe duke përfunduar në 1,100 metra në Yolosa. Është gati tre metra i gjerë, pa gardh dhe asgjë që do t’u jepte ndonjë siguri makinave.

Aksidenti më i rëndë aty ndodhi në korrik 1983, kur një autobus u ul në një humnerë duke vrarë 100 njerëz.