Anëtari i PD-së, Nol Nushi, përmes një video në Facebook-un e tij, ka bërë thirrje që të kundërshtohet Zajednica dhe marrëveshja që po pritet të formalizohet në Ohër.
Thirrjen, Nushi e ka drejtuar, sidomos tek aktivistët e VV-së, për të cilët ka thënë se momentalisht janë në një pozicion tejet të pa lakmueshëm, pasi që sipas tij, ata nuk i pyet askush për asgjë.
Nushi ka thënë se aktivistët e VV-së janë shndërruar në tifozë e ‘profitera’.
“Mua mendja më shkoj tek aktivistët e VV-së, ata të shkretët nuk e dinë se a e nënshkruan Kurti apo jo marrëveshjen. Ata e marrin vesh nga lajmet, sepse nuk i pyet askush, e kjo është pika më e ulët e angazhimit politik.
Larg qoftë të thonë ndonjë mendim ndryshe. Ata nuk guxojnë. Janë shndërruar në tifozë.
Sinqerisht nuk do të doja të isha në lëkurën tuaj. Lëreni atë subjekt e dalim së bashku e kundërshtojmë në shesh këtë marrëveshje.
Sepse keni me u mbajt në mend si ‘profitera’, pasi që njerëzit do të pyesin se ku keni qenë ju, kur Kurti e nënshkroi Asociacionin”, ka thënë ndër të tjera Nushi.
Nacionale
Discussion about this post