Kryeministja e Serbisë, Ana Bërnabiç u shpreh se Vjosa Osmani e ka provokuar atë ditën e sotme në samitin vjetor të Procesit të Bashkëpunimit në Evropën Juglindore (SEECP) në Turqi. Gazeta Ekspress shkruan se Sipas Bërnabiç, Osmani u bëri thirrje vendeve pjesëmarrëse që nuk e njohin Kosovën, ta bëjnë atë.
“Pati provokime dhe unë u përgjigja shkurtimisht, sepse nga respekti për mikëpritësit nuk doja të hyja në ndonjë diskutim me të. Unë nuk kam dashur të merrem me këtë. Me atë fjalim. Ajo foli më së miri për veten e saj dhe mirësjelljen e tyre politike, domethënë për mungesën e saj. Në çdo vend ku përmendet Kosova, nuk ishte vetëm me yll, por me shënim në fund të faqes”, tha Bërnabiç.
Vjosa Osmani në Turqi ndodhet për të përfaqësuaar Kosovën në samitin vjetor të Procesit të Bashkëpunimit të Evropës Jug-Lindore SEECP-së dhe në takimin inaugurues të Forumit Diplomatik të Antalias.
