Ish-deputeti i Partisë Demokratike, Ervin Salianji, ka reaguar pas takimit të zhvilluar këtë të enjte me një grup kandidatësh dhe figurash të votuara brenda PD-së, një mbledhje që po shihet si një lëvizje e re brenda selisë blu.
Në një mesazh dërguar drejtuesit të emisionit “Opinion”, Blendi Fevziu, Salianji tha se PD ka nevojë për riformatim, vlerësim real të meritës dhe një analizë të sinqertë të problemeve të brendshme.
Ai theksoi se vet fakti që përbën lajm ky takim, tregon dëshirën e demokratëve për një analizë brenda PD.
“Nuk besoj se ta sqaroj dot vetem me nje sms. Por do vij tek ju dhe do flas, takimi dhe takimet une i bej perhere se ne politike vota percakton hierarkine dhe peshen dhe cdo mekanizem tjeter hileqar nuk rrit dot. Partia Demokratike ka nevoje per riperteritje dhe vleresim te merites, keto i kam thene ne studion tuaj dhe kudo.
Fakti qe takimi i individeve me te votuar ben lajm tregon urine e qytetareve dhe demokrateve per vleresim dhe analize reale te problemeve qe kemi ne. Une degjoj cdo demokrat dhe jo më demokrate qe te gjithe qe ishim ne kafe kane mbledhur me shume se 200.000 vota per PD.
Shkurt te shkrova se dhe tani une prape se demokrate jam. Të pershendes nga Durresi me dy kryetaret e fundit te zgjedhur me vote ne degen Durres, dy nenkryetaret, sekretarin dhe sekretarin organizativ. Ju pershendes!”-shkruan Salianji.
Mesazhi i Salianjit vjen pasi kreu kryetari i grupit parlamentar i PD, Gazment Bardhi e cilësoi në emisionin “Opinion”: “Asgjë shqetësuese”, takimin e një grupi demokratësh, mes tyre Ervin Salianji dhe Ilir Alimehmeti.
“Unë besoj se kemi ardhur për bisedë serioz jo për të komentuar kafet që pinë kolegët çdo ditë. Secili prej nesh kur takohet me koleg, ka dhe biseda të caktuara. Salianji është anëtar i kryesisë ka të gjithë shansin për të diskutuar në kryesi.
Alimemeti është drejtues i departamentit të shëndetësisë në PD… Fokusi duhet të jetë te skandalet e qeverisë. Të bësh një lajm se kolegët pinë kafe nuk e di, ne te kafja e PD jemi çdo ditë”, tha Bardhi.
Discussion about this post