Donald Veshaj dhe Bora Zemani vijojnë të jenë kryefjala e shtypit rozë. Dy ish-partnerët, janë duke gjetur sërish urat e komunikimit për të vijuar marrëdhënien e tyre aty ku e lanë, para se aktori të bëhej pjesë e “Big Brother VIP”. Në rrjet ditët e fundit kanë qarkulluar detaje të reja, çfarë të bën të mendosh se shumë shpejt kjo dyshe do të rikthehet së bashku.
Ishte pikërisht një foto e makinës së Donaldit poshtë shtëpisë së Borës ajo që ndezi zërat për një rikthim të tyrin. Por kur mendohej se gjithçka do të mbetej me kaq, të tjera fakte vijnë nga dy personazhet.
Fansat po shpresojnë një takim të dytë tanimë jashtë Shqipërisë, nisur edhe nga fakti se Bora ka hedhur story duke e treguar hapur se ndodhet në Vjenë dhe Donaldi, në anën tjetër, ka shpërndarë në story club-in ku do të performojë dhe është në Laussanë të Zvicrës.
Donaldi dhe Bora janë pajtuar! Bëhet e ditur se ata janë parë së bashku në Vjenë të Austrisë këto ditë. Vetë moderatorja ka publikuar një foto me mikeshën e saj, që duket se është edhe mikeshë e binjakëve. Është pikërisht mikesha e të dyve që ka qenë iniciatorja e këtij takimi, duke pasur mundësinë të shpjegohen larg syrit të publikut.
Akoma më shumë i ka shtuar dyshimet mungesa e Borës në “Për’Puthen”. Donaldi ka postuar fotografi nga aeroporti duke mos treguar vendndodhjen, ndërsa moderatorja ka bërë të kundërtën. Mesa duket, miqtë dhe të afërmit kanë një rol të rëndësishëm në ribashkimin e tyre.
Kanë qenë pikërisht ata që kanë mundësuar një takim të dy të rinjve, duke ndikuar tek ata për t’i dhënë një mundësi tjetër njëri-tjetrit. Jashtë kësaj teme nuk kanë qëndruar as familjarët. Së fundmi, mamaja e vëllezërve Veshaj ka hapur një profil personal në rrjetin social Instagram dhe, ajo që na bie në sy është fakti se moderatorja dhe mamaja e Donaldit ndiqen në Instagram.
Kjo është mjaft e çuditshme, pasi moderatorja nuk ka reaguar, por familjarët e aktorit janë në rrjetet e saj sociale. Kjo është një tjetër shenjë që tregon se marrëdhënia mes çiftit është rikuperuar dhe se ata mund të jenë ribashkuar.
Kujtojmë se kur Donaldi ishte pjesë e “Big Brother VIP”, e ëma e këshilloi që të ndiqte zemrën dhe të bënte atë që ndjente. Duke iu referuar lidhjes me Beatrix, mamaja u pozicionua menjëherë në krah të partneres së re të djalit të saj. Të njëjtën gjë bëri edhe i vëllai, kur ishte pjesë e formatit, duke i përsëritur të bënte atë çfarë i ndiente zemra dhe të rrinte i qetë për gjithçka.
Por duket se jashtë gjithçka ka ndryshuar shpejt dhe Donaldi i ka kërkuar një tjetër mundësi Borës, duke angazhuar edhe të afërmit e miqtë që të ndikojnë te vendimi i saj. Po kështu, vëllai i Borës vijon të jetë mik i ngushtë i të dy vëllezërve, duke treguar hapur mbështetjen ndaj tyre.
Miqësia që ai ka me Donaldin dhe Romeon duket se ka ndikuar edhe tek e motra, çka ka sjellë disa takime të fshehura mes dy ish-partnerëve, që po shkojnë drejt një ribashkimi. Rikujtojmë gjithashtu se pas daljes nga shtëpia e “BBV”, Donaldi shkëputi çdo marrëdhënie të krijuar me Beatrix Ramosajn brenda këtij formati dhe ata kurrë nuk janë parë në shoqërinë e njëri-tjetrit.
Discussion about this post