Ministri i Jashtëm i Ukrainës, Kuleba do të zhvillojë një takim sot me homologun e tij rus Sergei Lavrov, për të biseduar mbi çështjen e luftës dhe mënyrave për të arritur paqe. Takimi do të mbahet në Turqi, ndërsa raportohet se Ukraina është e gatshme për “një zgjidhje diplomatike” dhe për të diskutuar kërkesën ruse për neutralitet, që nënkupton heqjen dorë nga anëtarësimi në NATO. Por, thekson se nuk do t’i japë “asnjë centimetër” territor Rusisë. Lavrov ka mbërritur i pari në Antalia, ndërkohë që takimi pritet që të zhvillohet më vonë gjatë ditës.
Presidenti Zelensky paralajmëroi dje se Polonia është gjithashtu në rrezik, pasi sipas tij Putini dëshiron të shpërbëjë Evropën. Nga këndvështrimi i tij, megjithatë, kërcënimi i luftës bërthamore është “një blof”. Sistemet e Agjencisë Ndërkombëtare të Energjisë Atomike që monitorojnë termocentralin bërthamor të Zaporizhzhia, megjithatë, kanë ndaluar transmetimin e të dhënave.
Discussion about this post