Ambasadorja amerikane Yuri Kim ka takuar ditën e sotme anëtarët e Komisionit të Pavarur të Kualifikimit.
Me anë të një postimi në llogarinë e saj në Twitter, falënderon komisionarët për vijimin e procesit të vettingut për gjyqtarë dhe prokurorë, pavarësisht sfidave.
Kim shprehet se procesi i vettingut me integritet dhe pavarësi është themeli për reformën në drejtësi në Shqipëri. Procesi, duhet të jetë i lirë nga presioni, duke përfshirë edhe sulmet ndaj komisionarëve, bën thirrje ambasadorja.
“Shqipëria ka nevojë për një sistem drejtësie që është profesional, eficent dhe i pa korruptuar, jo vetëm sepse është esencial për integrimin në BE, por sepse shqiptarët nuk meritojnë më pak. SHBA do të vijojë të mbështesë fort implementimin e reformës në drejtësi, duke përfshirë edhe vettingun.”- u shpreh Yuri Kim.
