Spartak Dobi, bashkëshorti i Rozeta Dobit, sanitares e cila kishte vjedhur së bashku me të birin Havier Dobi, qindra mijëra euro në banesat e zyrtarëve ku pastronte në kryeqytet, ka vijuar deklaratat kondradiktore në lidhje me takimin me ministrin Uksi Manja.
Pasi tha ditën e djeshme se ishte takuar me ministrin Ulsi Manja dhe i kërkoi atij lirimin e të birit, sot në një intervistë për Euronews, Dobi tha se nuk kishte pasur takim me ministrin por i ishte drejtuar atij vetëm me një letër, ku kërkonte lirimin nga qelia të djalit të mitur, ndërkohë që djali është 24-vjeç.
“S’kam takuar ministër moj zonjë. I kam çuar letër zotit Manja. Ne letër kërkoja lirimin e djalit pasi djali është i mitur”, tha Spartak Dobi.
Kjo deklaratë e tij erdhi në momentin që avokatja e telefononte vazhdimisht ndërkohë që gazetarja ndodhej prezente dhe po e intervistonte Dobin.
Discussion about this post