Ekspertja e ekonomisë, Romina Radoshniqi ka folur për nismën e Qeverisë për taksimin e pronave, ku ka theksuar se duhet të ketë barazi të amortizimit të pronës.
Gjatë intervistes per Panorama TV, Radoshniqi u shpreh se në disa zona disa apartamente kanë vlerë të lartë, ndërsa të tjera janë më të vjetra, e sipas saj, nisur nga ky fakt qytetarët nuk duhet të paguajnë njësoj.
“Pronat nuk vlejnë më sa vlenin dikur, dhe taksa tani do rëndojë në xhepat e qytetarëve. Disa qytete e paguajnë taksën në faturat e ujit e disa qytete nuk e paguajnë, dhe duket sikur disa duhet të paguajë e disa të tjerë jo. Taksa duhet të krijojë barazi dhe ta paguajnë të gjithë. Në buxhetin e shtetit kjo taksë nuk do kontribuojë aq sa parashikohet.
Në bazë të çmimit të referencës, i bie që në disa zona disa apartamente kanë vlere të lartë ndërsa të tjera janë më të vjetra. Dhe fakti që janë në një zonë më të mire nuk duhet të paguajnë njësoj. Në një zonë duhet të ketë një barazi të amortizimit të pronës.
Dixhitalizimi është një problem tjetër, një tokë mund të ketë tre pronar. Janë disa zona bujqësore ku nuk ka infrastrukturë dhe nuk përdoret, ndaj nuk mendoj se duhet të taksohet. Taksa duhet të jetë sa më efektive. Shqiptarët kanë gjetur disa mënyra që ti shmangen detyrimet, mund të ndodh edhe në këtë rast. Taksimi i shtëpisë së dytë do të jetë me vlere të ulët, po qytetarët mund edhe të divorcohen vetëm për t’i shpëtuar kësaj taksë për shtëpinë e dytë. Duhet parë edhe mënyrat e vjeljes së taksës“, u shpreh ekspertja.
Discussion about this post