Nga zyra për të cilën bëri betejë për të larguar Lulzim Bashën, ish-kryeministri Sali Berisha ka zhvilluar këtë të shtunë një bashkëbisedim me qytetarët përmes rrjetit social Facebook.
Kryetari i Partisë Demokratike, Sali Berisha ju përgjigj pyetjes së një qytetari duke e konsideruar taksën e rrugës së kombit si një taksë antikombëtare, të cilën Rama e vendosi për të shprehur urrejtjen për ndërtimin e asaj rruge dhe u zotua se sapo të vijnë në pushtet partia e tij, një nga vendimet që do të merret është heqja e taksës dhe traut për Rrugën e Kombit.
“Një nga vendimet e para do të jetë heqja e taksës antikombëtare të Rrugës së Kombit. Edi Rama e vendosi atë taksë për të shprehur urrejtjen e tij ndaj ndërtimit të asaj rruge. Ai dërgoi grupin e tij për të bllokuar hapjen e tunelit të Kalimashit. Taksa dhe trau do të hiqen muajt e parë, në vendimet e para të PD-së.”
Discussion about this post