Kur vjen puna tek propaganda televizive, kreu i Bashkisë së Tiranës, Erion Veliaj, kalon çdo limit të aktrimit. Këtë e shohim në çdo dalje të tij televizive, të cilat i ka kthyer në serial me seri që nuk kanë fund.
Ditën e djeshme gjatë ndezjes së dritave të pemës në qendër të Tiranës, nuk munguan dhe ‘fjalët e bukura’, ku ndër të tjera Veliaj kërkoi që këtë vit të ri, të jemi më solidarë dhe të ndihmojmë ata që janë në nevojë.
“Dua shumë që ky të jetë edhe një fundvit ku ne jemi më të mirë e sidomos solidar me ata që kanë më shumë nevojë, me ata që ndoshta kanë humbur një familjar, me ata që ndoshta janë ende në pritje të rindërtimit të shtëpisë prej tërmetit me ata që ndoshta kanë një aftësi ndryshe dhe kanë më shumë nevojë për dashuri ekstra speciale këtë fundvit. Ndaj mund të bëni nga një dhuratë për ata që kanë më shumë nevojë, për një komshi, një shok klase, për një të afërm. Nëse të gjithë ndihmojmë njeri-tjetrin, e gjithë Tirana do jetë më mirë këtë fundvit”- u shpreh ai.
Pra, kreu i Bashkisë më të madhe në vend, me fjalë është shumë dashamirës, ndërsa kur vjen puna për të ndihmuar realisht njerëzit në nevojë, paratë publike i çon tek ata që nevojën e shohin me miliona e miliarda lekë. Janë me qindra tenderët me miliona lekë, që bëhen për punë që nuk i shërbejnë komunitetit dhe që jepen në shkelje të ligjeve të vendit, për të shkuar tek miqtë e tij për t’i ndarë me ta.
Mjafton të dalësh në disa rrugë të Tiranës dhe gjen njerëz që rrinë të shtrirë në trotuare për të nxjerr lekët e bukës. Janë me qindra familje të komunitetit rom, të cilët bredhin nëpër lagje për të mbledhur hekura të vjetra apo duke kontrolluar koshat e mbeturinave për kanaçe apo qese plastike që të sigurojnë bukën e ditës.
Prandaj, kreu i Bashkisë para se të nxjerrë fjalët e bukura nga goja, bën mirë që t’i kthejë sytë nga këto njerëz që kanë nevojë për mbështetje jo vetëm për festat e fundvitit, por për 12 muajt e vitit.
Gijotina.com
Discussion about this post