Forcat talebane kanë filluar pozicionimin në aeroportin e Kabulit dhe janë gati të marrin kontrollin e plotë këtë fundjavë, sapo forcat amerikane të largohen, thanë të premten dy zyrtarë të lartë talebanë. Ata kanë marrë pjesën më të madhe të aeroportit dhe e vetmja pjesë e ngelur është ajo e amerikanëve.
Një komandant i lartë tha se forcat talebane kishin marrë pjesën më të madhe të aeroportit, “përveçse një pjese të vogël ku amerikanët janë akoma”. Një zyrtar i dytë tha se forcat ishin gati për të marrë kontrollin e plotë, duke shtuar se është vetëm çështje e një kohe të shkurtër.
“Sapo amerikanët të largohen, ata thjesht duhet të na japin sinjalin dhe ne pastaj do të marrim përsipër kontrollin,” – tha ai.
John Kirby, zëdhënësi i Pentagonit tha se talebanët nuk kanë nën kontroll ndonjë zonë ushtarake të aeroportit.
