Supermakina ‘Made in Afghanistan’, e cila po quhet ‘Mada 9’, është bërë virale për herë të dytë në mediat sociale pasi videot që tregojnë automjetin për një provë në rrugë u ngarkuan në internet.
Në video, makina sportive e prodhuar në Afganistan, Mada 9, e cila ka njw pamje të frymëzuara nga Bugatti, shihet duke lëvizur në një rrugë të mbuluar me borë. Megjithatë, detajet e sakta në lidhje me specifikimet e automjetit mbeten të panjohura.
Supermakina e prodhuar në Afganistan është një prototip i ndërtuar nga kompania ENTOP në bashkëpunim me Ministrinë e IT-së dhe Qendrën e Inovacionit të Afganistanit. Sipas talebanëve, Mada 9 lëviz me një motor Toyota Corolla.
Ghulam Haidar Shahamat, shefi i kompanisë, është shprehur për TOLO News në Afganistan se motori Toyota Corolla është i modifikuar për të arritur shpejtësi të lartë, por pa dhënë detaje.
Discussion about this post