Talebanët pritet të finalizojnë formimin e qeverisë ditën e sotme, teksa po përballen me presion të brendshëm dhe ndërkombëtar për të sunduar Afganistanin me një tolerancë më të madhe, veçanërisht për të drejtat e grave.
Mijëra afganë janë larguar nga vendi shkak të dhunës, duke u strehuar në vende fqinje apo dhe përtej në Europë. Aeroporti kryesor i vendit, Kabul, vijon të jetë i mbyllur, por pritet të rihapet brenda pak ditësh me ndihmën e ekspertëve teknikë nga Katari.
Mediat e huaja shkruajnë se një zëdhënës i talebanëve ka njoftuar se Kina ka premtuar se do të mbajë hapur ambasadën e saj në Afganistan, dhe do të rrisë ndihmën humanitare për vendin e shkatërruar nga lufta. Kina bëri gjithashtu një deklaratë më herët duke “afirmuar” lidhjet e saj me Afganistanin.
