Nuk ka zgjatur shumë aventura shqiptare e mesfushorit nigerian të Egnatias, Ojediran Hamzat. I ardhur në verën e vitit 2022, ka marrë një ftesë nga përfaqësuesja U-21 e vendit të tij dhe KF Egnatia i ka dhënë lejen futbollistit, sipas klauzolave të kontratës, që ai t’i bashkohet përfaqësueses nigeriane të kësaj grupmoshe.
Edhe tani që jemi në muajin e dytë të vitit 2023, lojtari duket se ka zhvilluar në fshehtësi të plotë bisedime dhe ka lënë të hapur mundësinë e kalimit të tij në një skuadër tjetër. Themi kështu se që pas mbylljes së vitit 2022, Ojediron Hamzat nuk u kthye më tek Egnatia.
Burime të sigurta në klubin Rrogozhinas, saktësojnë se sot Hamzat do të nënshkruajë marrëveshjen e kalimit të tij drejt skuadrës së mirënjohur hungareze të Debrecen. Tashmë kjo mundësi e artë i ka ardhur në derë mesfushorit këmbëshpejtë, që në Rrogozhinë, shumë tifozë syresh, nisën ta quajnë me epitetin “roboti” falë shkathtësisë dhe universalizmit që ai shfaqte në lojë.
Duket se tashmë historia e shkurtër e dashurisë do të mbyllet sot me një dashuri të re, pikërisht në ditën e të dashuruarve, pasi do të përfundojë me sukses nënshkrimi i marrëveshjes mes klubeve të Egnatias dhe Debrecenit. KF Egnatia, nga burime që nuk duan të identifikohen, kemi mësuar se nga ky kalim i nigerianit nga KF Egnatia drejt Hungarisë ka vënë kushtin e që vlera e transferimit të mos jetë në asnjë rast më e vogël se 100 mijë euro.
Nigeriani, sipas informacioneve të besueshme, ka ditën e hedhjes së firmës për të lënë tashmë Egnatian, ku të gjithë e vlerësuan dhe respektuan për aftësinë dhe talentin e tij, dhe do të zbarkojë nga nesër të bëhet pjesë e skuadrës së Debrecen, një klub me njohje të vjetra edhe në arenën ndërkombëtare.
Discussion about this post