James Arthur është detyruar të vendosë një kapale leshi në ditët e nxehta të verës, për shkakun se përdoruesit e internetit e tallin për modelin e flokëve.
Ish-fituesi i “X Factor” u paraqit me këtë kapele, gjatë një interviste të dhënë mëngjesin e sotëm, në programin “This Morning”
Arthur, 35-vjeç, ka treguar se paraqitja e tij nuk ka aspak lidhje me modën.
“Jam tallur shumë për modelin e flokëve, prandaj kam vendosur të mbaj kapele në mënyrë që njerëzit të më dëgjojnë mua dhe jo të komentojnë modelin tim të flokëve”.
Pavarësisht se është sulmuar nga përdoruesit e rrjeteve sociale, James ka treguar se nuk është i shqetësuar aspak pasi më parë ka vuajtur nga ankthi por tani çdo gjë është në rregull.
Arthur ka folur gjithashtu për përiudhën që ishte në kulmin e famës, duke e rikujtuar si eksperiencën më të bukur por edhe më të keqe njëkohësisht.
Ai ka shtuar se presioni ka qënë aq i madh saqë përfundoi në depresion dhe madje ka tentuar vetvrasjen.
Pavarësisht se ka kaluar shumë kohë që nga periudha kur u shpall fitues i X Factor, James vazhdon t’i jetë shumë mirënjohës Simon Cowell, i cili ende i ofron mundësi të reja.
Discussion about this post