Gazetari Artan Hoxha deklaroi se duhen verifikuar informacionet që kanë dalë nga e-mailet e ish-drejtorit të Përgjithshëm të Policisë së Shtetit, Gledis Nano.
Ai shtoi se ky material ka dalë ga komunikimet e brendshme të strukturave të policisë dhe në parim ky nuk është një informacion 100% i vërtetë, por që dërgohet për verifikim.
“Policia e Shtetit ka disa sisteme që i përdor për komunikimin e vet, për marrjen e të dhënave dhe për kalimin e të dhënave nga një nivel i policisë tek tjetri. Ata kanë thyer sistemin e komunikimit të brendshëm, nga ato të dhëna që unë kam parë deri tani. Po marr rastin e parë. Bëhet fjalë për Talo Çelën. Në e -mailin që është publikuar bëhet fjalë për gushtin e vitit të kaluar. Ai është informacion që i shkon një drejtuesi të lartë të policisë por nuk është 100% i vërtetë. Mbi atë informacion policia bën verifikim. Ai thuhet se ka shkuar në një hotel që ka takuar Ervin Matën, kjo na çon në ngjarje të tjera, tek ngjarja e bllokut. Policia pasi ka marr informacioni duhet ta çojë në instancat e duhura për të bërë verifikimin. Ai thuhet që ka shkuar në hotel Viktoria. Në hotel Viktoria ka kamera sigurie, është një ambient i kontrolluar mirë dhe futet në ambientet e sigurta. Këto janë informacione që duhen verifikuar”, tha Hoxha.
Discussion about this post