Tan Brahimi ishte mëngjesin e sotëm i ftuar në emisionin “Wake Up” ku foli për eksperiencën e tij brenda shtëpisë më të famshme në Shqipëri, “Big Brother VIP”.
Sigurisht që ish-banori u pyet edhe në lidhje me mikun e tij, Luiz Ejlli, për të cilin tha se nuk dëshiron të flasë shumë për të. Kjo për arsye se po flasin shumë persona për të, madje edhe ata që kur ishin brenda në BB VIP e shanin.
Pjesë nga intervista:
Si e sheh lojën e Luizit?
Nuk dua të flas shumë për Luizin sepse po flasin shumë persona për të. Nuk ka nevojë për ta komentuar, shihet edhe nga televizori. Edhe njerëzit që nuk e kanë pëlqyer tani po flasin mirë për të, për të përfituar. Jam habitur kur kam parë banorë që kanë dalë jashtë dhe kanë thënë ‘jemi me Luizin’. Unë nga jashtë hyra, e dija opinionin e publikut. Por nuk kam reaguar shumë për të mos menduar që e kisha për përfitim.
Kush mendon se del të shtunën nga “BBV” mes Armaldos, Kristit dhe Luizit?
Kristi mendoj se del. Edhe herën e parë thashë që do dilte ai, por e shpëtoi bileta e kthimit.
Po lidhur me spektaklin “Portokalli”, si ndihesh që do jesh pjesë këtë sezon?
M’u bë qejfi shumë dhe u ndjeva shumë i mbështetur kur aktorët erdhën e më bënë surprizën brenda shtëpisë. I kam pasur krah në momentet e mia shumë të vështira. Nuk ishte e lehtë të bësh për të qeshur në ato kohë. I falenderoj të gjithë ata, si Gaz Pajën, Romir Zalla, Rez Veleshnja e shumë të tjerë.
SHQIP
Discussion about this post