Bashkimi Europian ka ndryshuar rregullat për të gjithë shqiptarët që duan të udhëtojnë drejt saj. Përmes një njoftimi publik Ministria e Jashtme se do të të ndryshojnë rregullat anti-covid për emigrantët dhe tani do të ketë më shumë lehtësi.
Sipas këtyre rregullave, të gjithë qytetarët ekstrakomunitarë si ata të Ballkanit Perëndimor që janë plotësisht të vaksinuar me vaksinat që njihen nga Bashkimi Europian do të mund të udhëtojnë lirisht në zonën Shengen, pa marrë parasysh nëse vendi nga ku nisen qytetarët përfshihet në listën e vendeve të sigurta apo jo. Ndërsa, qytetarët e vendeve të treta do të mund të udhëtojnë drejt BE-së me një certifikatë dixhitale COVID-19. Sigurisht, duhet të keni parasysh që certifikata
nuk duhet të ketë kaluar afatin e vlefshmërisë, që llogaritet me 9 muaj nga marrja e dozës së dytë për vaksinat si Pfizer, Astra Zeneca, etj. Në të kundërt certifikata është e pavlefshme.
Komisioni Europian i rekomandon shteteve anëtare të pranojnë po ashtu qytetarët e vendeve të treta që janë vaksinuar me një vaksinë të njohur nga Organizata Botërore e Shëndetësisë (OBSH), duke ju nënshtruar një testi PCR.
Nëse ministrat e aprovojnë edhe këtë pikë, atëherë qytetarët shqiptarë apo të Ballkanit Perëndimor të vaksinuar me vaksinën kineze apo ruse, do të kenë të drejtë të udhëtojnë drejt Bashkimit Europian duke iu nënshtruar një testi PCR. E njëjta gjë vlen për ata që kanë një certifikatë shërimi nga COVID-19. Gjithashtu fëmijët nën moshën 18, mund të vijnë me një test PCR.
Discussion about this post