Xavi ndryshon mendim. Ish-kapiteni fantastik i Barcelonës do të jetë në pankinën e skuadrës së zemrës edhe sezonin e ardhshëm, ndryshe nga sa deklaroi kohë më parë.
“Të gjithë e dini se sa katalanas jam unë. Gjithmonë jam përpjekur të bëj më të mirën për këtë klub. Gjëja më e rëndësishme është klubi, gjithmonë.
Kur u takova me presidentin dhe ia lashë atij në dorë të ardhmen time, unë vura re një besim të jashtëzakonshëm kundrejt meje nga ana e të gjithëve.Ka patur rëndësi të madhe edhe bashkëpunimi i lojtarëve, të cilët më kanë treguar dhe shfaqur hapur se ky projekt duhet të vazhdojë përpara.
Po punojmë mirë, është një projekt fitues. Gjithashtu edhe tifozët më bënë të kuptoja se duhej të ecja përpara.
Në janar isha i bindur se largimi është gjëja më e mirë, por tani shoh gjithçka ndryshe. U jam mirënjohës të gjithëve, mendoj se vendimi për të vijuar është më i miri”, u shpreh Xavi.
Discussion about this post