Ditën e sotme është vënë në punë gazsjellësi TAP, i cili do të furnizojë Evropën Perëndimore. Me anë të një postimi në facebook, kreu i shtetit thekson se ky projekt rriti ndjeshëm pavarësinë e Evropës nga gazi rus. Meta shprehet se përveç ndikimit të jashtëzakonshëm të këtij investimi madhor në zhvillimin ekonomik dhe social të vendit, veçanërisht në zonat e kalimit të gazsjellësit, ky projekt rriti ndjeshëm pavarësinë e Evropës nga gazi rus.
“Përshëndes fillimin e furnizimit me gaz natyror të Evropës Perëndimore përmes gazsjellësit TAP. TAP është investimi i huaj më i rëndësishëm strategjik në Shqipëri, frut i bashkëpunimit të suksesshëm dhe strategjik ndërmjet Shqipërisë, partnerëve evropianë dhe SHBA-ve me Qeverinë e Azerbajxhanit. Përveç ndikimit të jashtëzakonshëm të këtij investimi madhor në zhvillimin ekonomik dhe social të vendit, veçanërisht në zonat e kalimit të gazsjellësit, ky projekt rriti ndjeshëm pavarësinë e Evropës nga gazi rus. Projekti TAP e përfshiu Shqipërinë në hartën e infrastrukturës energjetike strategjike evropiane, veçanërisht e rëndësishme në këtë periudhë sfiduese ndaj arkitekturës së sigurisë evropiane dhe euroatlantike!” – shkruan Meta në facebook.
Discussion about this post