Policia e Fierit ka arrestuar një 31 vjeçar, pas një kontrolli të ushtruar në automjetin e tij.
Nga kontrolli rezultoi se i riu nga Fieri jo vetëm që ishte i dehur në timon, por edhe iu gjet një sasi me lënde të dyshuar narkotike kokainë.
Njoftimi i policisë
Specialistët për Hetimin e Narkotikëve të DVP Fier arrestuan në flagrancë shtetasin E. B., 31 vjeç, banues në Plyk, Fier, pasi gjatë kontrollit të ushtruar nga shërbimet e Forcës së Posaçme “Shqiponja”, në automjetin të cilin drejtonte, u gjet dhe u sekuestrua një sasi me lënde të dyshuar narkotike kokainë. Gjithashtu, ky shtetas drejtonte automjetin në gjendje të dehur.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
Discussion about this post