“Tapë” në timon e dhunë ndaj gruas, 4 të arrestuar në Tiranë

Kontrollet blic në Tiranë kanë vënë në pranga 4 persona. Burime nga policia për gijotina.com bëjnë me dije se janë arrestuar dy drejtues mjetesh dhe dy persona të tjerë të cilët kanë dhunuar bashkëshortet e tyre.

Është arrestuar personi i identifikuar me iniciale S. P., 42 vjeç, pasi është kapur nga punonjësit e Komisariatit të Policisë Rrugore Tiranë, duke drejtuar mjetin e tij, me leje drejtimi të dyshuar të falsifikuar. Si dhe shoferi i identifikuar me iniciale F. L., 24 vjeç, pasi u kap duke drejtuar mjetin e tij në gjendje të dehur.

Sh. U., 56 vjeç, u arrestua pasi ka ushtruar dhunë fizike dhe psikologjike ndaj ish bashkëshortes.

Po ashtu, V. Z., 36 vjeç, u arrestua pasi ka ushtruar dhunë fizike dhe psikologjike ndaj bashkëshortes.