Një 40-vjeçar është arrestuar në flagrancë nga policia e Elbasanit për veprën penale “Prodhimi dhe shitja e narkotikëve”, “Shkatërrimi i pronës” dhe Drejtimi i automjeteve në mënyrë të parregullt”.
Ky person në lagjen “Luigj Gurakuqi” duke drejtuar në gjendje të dehur mjetin tip “Renault”, është përplasur me një shtyllë ndriçimi. Shërbimet e Policisë gjatë kontrollit fizik të ushtruar ndaj këtij personi gjetën dhe sekuestruan në cilësinë e provës materiale një sasi të vogël lënde narkotike të dyshuar si kokainë.
Gjithashtu, një 30-vjeçar është arrestuar në Dibër, pasi akuzohet për veprën penale “Drejtimi i automjeteve në mënyrë të parregullt”. Një tjetër arrestim është kryer, ku një 65-vjeçar ka rënë në pranga pasi në aksin rrugor Librazhd- Qafë Thanë, u kap duke drejtuar mjetin në gjendje të dehur.
Discussion about this post